Heinrich von Morungen

Owê, -

Owê, -
Sol aber mir iemer mê
geliuhten dur die naht
noch wîzer danne ein snê
ir lîp vil wol geslaht?
Der trouc diu ougen mîn.
ich wânde, ez solde sîn
des liehten mânen schîn.
   Dô tagte ez.

Owê, -
Sol aber er iemer mê
den morgen hie betagen?
als uns diu naht engê,
daz wir niht durfen klagen:
»Owê, nu ist ez tac,«
als er mit klage pflac,
dô er jungest bî mir lac.
   Dô tagte ez.

Owê, -
Si kuste âne zal
in dem slâfe mich.
dô vielen hin ze tal
ir trehene nider sich.
Iedoch getrôste ich sie,
daz sî ir weinen lie
und mich al umbevie.
   Dô tagte ez.



Neuhochdeutsch:
Ach, / wird mir denn jemals wieder / ihr wunderschöner Körper / durch die Nacht leuchten, / weißer noch als Schnee? / Der täuschte meine Augen. / Ich glaubte, es wäre der Glanz des hellen Mondes. / Da brach der Tag an.

Ach, / wird er denn jemals wieder / den Morgen hier verbringen? / Möge uns doch die Nacht einmal so vergehen, / daß wir nicht klagen müssen: / »O weh, nun ist es Tag«, / wie er klagend ausrief, / als er das letzte Mal bei mir schlief. / Da brach der Tag an.

Ach, / sie küßte mich / im Schlaf unzählige Male. / Da rannen / ihre Tränen nieder. / Doch ich tröstete sie, / so daß sie aufhörte zu weinen / und mich zärtlich umarmte. / Da brach der Tag an.